धनगर समाजाच्या विविध मागण्यांसाठी सेनगाव तहसीलदारांना दिले रक्त लिखित निवेदन.

परमेश्वर सावंत जिल्हा प्रतिनिधी हिंगोली गेल्या अनेक वर्षापासून प्रलंबित असलेल्या धनगर समाजाला एस.टी. प्रवर्ग आरक्षणाची अंमलबजावणी करावी, धनगर समाजासाठी शासन निर्णयानुसार घोषित केलेल्या 22 योजनांची अंमलबजावणी करण्यात यावी त्यासाठी एक हजार कोटींची तरतूद करावी, मेंढपाळ बांधवावर होणारे हल्ले थांबवून त्यांना संरक्षण देण्याची मागणी पुण्यश्लोक अहिल्यादेवी होळकर यांच्या पुण्यतिथी दिनी धनगर ऐक्य अभियान महाराष्ट्र राज्य यांच्यावतीने सेनगाव तहसीलदार यांना धनगर ऐक्य अभियान महाराष्ट्र राज्य समन्वयक विकास शिंदे,गंगाराम फटांगळे यांनी धनगर ऐक्य महाराष्ट्र राज्याचे संयोजक डॉ.शशिकांत तरंगे यांच्या आव्हानाला प्रतिसाद देत स्वतः च्या रक्ताने लिहून रक्त लिखित निवेदन देऊन मागणी करण्यात आली. यावेळी धनगर ऐक्य महाराष्ट्र राज्याचे समन्वयक तथा माजी पंचायत समिती सदस्य विकास शिंदे, पंचायत समिती उपसभापती रविंद्र गडदे, राजे मल्हार तालुकाध्यक्ष गंगाराम फटांगळे, भास्करराव बेंगाळ, सचिन हराळ, अमोल शेंडगे, संजय चिलगर, घनश्याम हराळ यांच्यासह समाज बांधव उपस्थित होते.